மர்மகாய்ச்சல் எதிரொலியால் கல்லூரி விடுமுறை.

தூத்துக்குடி மாவட்டம், வல்லநாடு மலையடிவாரம் அருகே உள்ளது கிள்ளிக்குளம். அங்கு தமிழ்நாடு வேளாண்மைக்கழகத்தைச் சேர்ந்த வேளாண்மைக்கல்லூரி மற்றும் ஆராய்ச்சி நிலையம் இயங்கி வருகிறது. இங்கு 400க்கும் மேற்பட்ட மாணவ மாணவியர்கள் பயின்று வருகின்றனர். அனைவரும் கல்லூரி வளாகத்தில் உள்ள பயணியர் விடுதியில் தங்கி பயின்று வருகின்றனர். 200க்கும் மேற்பட்ட மாணவிகள் உள்ளன. இந்த மாணவ மாணவிகள் அனைவரும் வெவ்வேறு மாநிலங்களைச் சார்ந்தவர்கள்.

கடந்த 3ம் தேதி கல்லூரி சார்பில் ஊட்டி சுற்றுலா சென்று மறுநாள் வந்துள்ளனர். மறுநாள் திடிரென்று 10 மாணவிகளுக்கு மர்மகாய்ச்சல் ஏற்பட்டுள்ளது. இதனையடுத்து உடனே அவர்களை திருநெல்வேலி தனியார் மருத்துவமனையில் சேர்த்துள்ளனர். மீண்டும் 10க்கும் மேற்பட்ட மாணவிகள் மர்மகாய்ச்சல் தாக்கியது. இதில் தனியார் மருத்துவமனையில் சேர்க்கப்பட்டிருந்த கேரளாவைச் சேர்ந்த டயானா(19), திண்டுக்கல்லைச் சேர்ந்த தாரிணி(18) ஆகியோர் தீவிர சிகிச்சைப்பிரிவில் அனுமதிக்கப்பட்டனர். இதில் டயாணாவிற்கு டெங்கு காய்ச்சல் இருப்பது உறுதி செய்யப்பட்து. இதற்கிடையில் மாணவியர் விடுதியில் தங்கியிருந்த 50க்கும் மேற்பட்ட மாணவிகளுக்கு வைரஸ் காய்ச்சல் இருப்பது தெரியவந்தது.

உடனே கல்லூரி முதல்வர் ராமலிங்கம் 16ம் தேதி வரை கல்லூரியை மூட உத்தரவிட்டார். நடைபெற இருந்த தேர்வுகள் அனைத்தும் உத்திவைக்கப்பட்டது. இதனையடுத்து கல்லூரியில் பயின்ற மாணவிகள் அனைவரும் தனது சொந்த ஊர்களுக்கு திரும்பினர். கல்லூரி மூடப்பட்டது.