தீவிரவாதிகள் ஊடுருவலை தடுக்க 48 கடலோர கிராமங்களில் ரோந்து பணி

மும்பையில் கடல் வழியாக தீவிரவாதிகள் ஊடுருவி தாஜ் ஓட்டல் உள்ளிட்ட பல்வேறு இடங்களில் தாக்குதல் நடத்தியதில் ஏராளமானோர் பலியானார்கள். 

இதை தொடர்ந்துகடல் வழியாக தீவிரவாதிகள் ஊடுருவலை தடுக்க இந்திய  கடல் பகுதிகள் தீவிரமாக கண்காணிக்கப்பட்டு வருகிறது.  இந்த  நிலையில் வியாழக்கிழமையன்று  நாடுமுழுவதும் ‘சஜக்’ ஆபரேஷன் என்ற பெயரில் கடல் பகுதிகளை அதிநவீன படகுகள் மூலம் கண்காணிக்கும்  பணி நடந்தது. 

இதில் கன்னியாகுமரி கடலில் கடலோர பாதுகாப்பு குழும போலீஸ்  இன்ஸ்பெக்டர் நவீன் தலைமையில் 3 அதி நவீன படகுகளில் போலீசார் கண்காணிப்பு பணியில் ஈடுபட்டனர். அவர்கள் கடலில் மீன்பிடித்து கொண்டிருந்த மீனவர்களின் அடையாள அட்டைகளையும் சோதனை செய்தனர். மேலும் சந்தேகப்படும் படியாக படகுகள் கடலில் தென்பட்டால் தகவல் தெரிவிக்கும்படியும் மீனவர்களை கேட்டுக்கொண்டனர். 

சின்னமுட்டம், கூடங்குளம்,        கன்னியாகுமரி, முட்டம் ஆகிய 3 கடல்          வழித்தடங்களில்   மாலை வரை இந்த   கண்காணிப்பு    பணி   நடைபெற்றது. மேலும், ஆரோக்கியபுரம் முதல் நீரோடி வரை உள்ள 48 கடலோர கிராமங்களிலும் போலீசார் அதிநவீன வாகனம் மூலம் ரோந்து   பணியில் ஈடுபட்டனர்.