சதக்கத்துல்லாஹ் அப்பா கல்லூரியில் கேலிவதை விழிப்புணர்வு நிகழ்ச்சி

                பாளை. சதக்கத்துல்லாஹ் அப்பா கல்லூரியில் 22.08.2017 அன்று அரசுதவிபெறாப் பாடப்பிரிவுகளின் சார்பாக கேலிவதை விழிப்புணர்வு நிகழ்ச்சி நடைபெற்றது. தமிழ்த் துறை (அரசுதவிபெறாப் பாடப்பிரிவு) தலைவர் முனைவர் அனுசுயா அனைவரையும் வரவேற்றார். கல்லூரி அரசுதவிபெறாப் பாடங்களின் இயக்குநர் முனைவர் ஏ. அப்துல் காதர் அவர்கள் நிகழ்ச்சிக்கு தலைமையேற்று தலைமையுரையாற்றினார். 

             மத்திய சிறையின் சிறைத்துறைக் கண்காணிப்பாளர் திரு. ஜி.பி. செந்தாமரைக் கண்ணன் அவர்களும் கவிஞர் கோ. கணபதி சுப்பிரமணியம் அவர்களும் சிறப்பு விருந்தினர்களாக கலந்துகொண்டு கேலிவதையினால் ஏற்படக்கூடிய தீங்குகள் குறித்தும் கேலிவதை தொடர்பான சட்டதிட்டங்கள் குறித்தும் சிறப்புரையாற்றினர். கேலிவதைத் தடுப்புக்குழுவின் ஒருங்கிணைப்பாளரும் தமிழ்த்துறைப் பேராசிரியருமான திரு. எம். சாதிக் அலி நன்றி கூறினார். அரபுத் துறைப் பேராசிரியர் திரு. முகம்மது இலியாஸ் நிகழ்ச்சியைத் தொகுத்து வழங்கினார். இரண்டாமாண்டு மற்றும் மூன்றாமாண்டு மாணவ மாணவிகள் நிகழ்ச்சியில் கலந்துகொண்டு பயனடைந்தனர்.