குற்றாலத்தில் குவிந்த சுற்றுலா பயணிகள் அருவிகளில் ஆனந்தமாக குளித்து மகிழ்ந்தனர்.

நெல்லை மாவட்டம் மேற்கு தொடர்ச்சி மலைப் பகுதியில் கடந்த ஒரு வாரத்துக்கு முன்பு பலத்த  மழைபெய்தது. இதனால் குற்றாலம் அருவிகளில் தண்ணீர் வரத்து அதிகரித்து காணப்பட்டது.  திங்கள்கிழமையன்று திடீரென வெள்ளப் பெருக்கும் ஏற்பட்டது.  

மெயின் அருவியில் ஆர்ச்சை தாண்டி தண்ணீர் விழுந்தது.  இதே போல் ஐந்தருவியிலும்   வெள்ளப் பெருக்கு ஏற்பட்டது. இதனால் அருவிகளில்சுற்றுலா பயணிகள் குளிப்பதற்கு போலீசார் தடை விதித்தனர். அதன் பின்னர் வெள்ளம் குறைந்ததைஅடுத்து, அருவிகளில் சுற்றுலா பயணிகள் குளித்து சென்றனர்.

 இந்த நிலையில் கடந்த சில நாட்களாகஅனைத்து அருவிகளிலும் தண்ணீர் மிதமான அளவில்   விழுந்து வருகிறது. கடந்த 2 நாட்களாககுற்றாலத்தில் மெயின் அருவி, ஐந்தருவிகளில் தண்ணீர்  வரத்து நன்றாக உள்ளது, திங்கள்கிழமையன்று  சுற்றுலா பயணிகள் ஏராளமானோர்  குற்றாலத்திற்கு வந்து குவிந்தனர். அவர்கள், அருவிகளில் ஆனந்தமாக குளித்து மகிழ்ந்தனர்.