சதக்கத்துல்லாஹ் அப்பா கல்லூரியில் சுதந்திர தினவிழா நிகழ்ச்சி

 பாளை. சதக்கத்துல்லாஹ் அப்பா கல்லூரியில் சுதந்திர தினவிழா நிகழ்ச்சிகள் இன்று (15.08.2017) நடைபெற்றது.  நிகழ்ச்சியில் கல்லூரி பொறுப்பு முதல்வர் பேரா. கா. ரபி அகமது அவர்கள் கொடியேற்றி நிகழ்ச்சியைத் தொடங்கி வைத்தார்.

இவ்விழாவில் சிறப்பு விருந்தினராக சுதந்திரப் போராட்ட வீரர் திரு. வாஞ்சிநாதன் அவர்களின் குடும்ப வழித்தோன்றல் திரு. வாஞ்சி கோபாலகிருஷ்ணன் அவர்கள் கலந்து கொண்டு பேச்சுப் போட்டி, கட்டுரைப் போட்டி, கவிதைப் போட்டி ஆகிய போட்டிகளில் வென்ற மாணவ-மாணவியர்களுக்கு பரிசுகள் வழங்கிப் பாராட்டினார். 

இந்நிகழ்ச்சியை இந்தியன் ஓவர்சீஸ் வங்கியும் கல்லூரியின் இளைஞர் நலத்துறையும் இணைந்து நடத்தின. நிகழ்ச்சியில் சாதனை புரிந்த தேசிய மாணவர் படை மாணவ-மாணவியர்களுக்கு பாராட்டுத் தெரிவிக்கப்பட்டது. 

 நாட்டு நலப்பணித் திட்டத்தின் சார்பில் மாணவ-மாணவியர் உறுதிமொழி ஏற்றனர். நாட்டு நலப்பணித் திட்டத்தின் சார்பில் மரக்கன்றுகள் நடப்பட்டன.  இவ்வாண்டு பணி நிறைவு  பெறக்கூடிய வணிகவியல் துறைத்தலைவர் முனைவர் பி.ஏ. அப்துல் கரீம் அவர்களுக்குப்  பாராட்டுத் தெரிவிக்கப்பட்டது. 

இந்நிகழ்ச்சியை இளைஞர் நலத்துறை ஒருங்கிணைப்பாளரும் தமிழ்த்துறை பேராசிரியருமான அ.மு. அயூப்கான் தொகுத்து வழங்கினார்.  இந்நிகழ்ச்சியில் பேராசிரியர்கள், மாணவ-மாணவியர்கள், அலுவலர்கள் கலந்து கொண்டனர். கல்லூரியின் உடற்கல்வித் துறையின் புல முதன்மையரும் இயற்பியல் துறை பேராசிரியருமான திரு. அப்துல் காதர் அவர்கள் அனைவருக்கும் நன்றி கூறினார்.