சிறுமியை கடித்து குதறிய தெருநாயால் பரபரப்பு.

வி.கே.புரத்தில் தெருநாய் கடித்து குதறியதில் படுகாயம் அடைந்த சிறுமி நெல்லை அரசு மருத்துவமனையில் அனுமதிக்கப்பட்டுள்ளார்.

நெல்லை மாவட்டம் விக்கிரமசிங்கபுரம் அம்பலவாணபுரம் மெயின் ரோட்டைச் சேர்ந்தவர் திருமலைக்குமார். இவரது மனைவி உமாமாரி. இவர்களுக்கு புவனேஸ்வரி (7). இசை வாணி (4) என்ற இரு மகளும். ஒன்றரை வயதில் அஜய் என்ற மகனும் உள்ளனர். நேற்று இசை வாணி வீட்டின் எதிரே விளையாடி கொண்டிருந்தாள். அப்போது அங்கு நின்றுக்கொண்டிருந்த  லாரியின் கீழ் படுத்திருந்த தெருநாய் ஒன்று திடீரென சிறுமி இசைவாணியின் கன்னத்தை கடித்து குதறியது. இதனால் கன்னத்தில் பெரிய ஓட்டை விழுந்து ரத்தம் கொட்டியது.

இதில் சிறுமி இசை வாணி கதறி துடித்தாள். இதை பார்த்த அக்கம்பக்கத்தினர் அந்த நாயை விரட்டி விட்டு சிறுமியை மீட்டனர். பின்னர் 108 ஆம்புலன்ஸ் மூலம் அம்பை அரசு மருத்துவமனைக்கு கொண்டு சென்றனர். அங்கு முதலுதவி அளிக்கப்பட்டது. அதன் பின்னர் மேல்சிகிச்சைக்காக நெல்லை அரசு மருத்துவக் கல்லூரி மருத்துவமனையில் சேர்க்கப்பட்டார். இச் சம்பவம் இப்பகுதியில் பெரும் பரபரப்பை ஏற்படுத்தியுள்ளது.