நெல்லையில் பள்ளி மாணவ மாணவிகளுக்கு ஓவியப்போட்டி.

உலக மருத்துவர் தினத்தை முன்னிட்டு நெல்லையில் பள்ளி மாணவ, மாணவிகளுக்கு பேச்சு மற்றும் ஓவியப் போட்டி நடத்தப்பட்டு பரிசுகள் வழங்கப்பட்டன. 

மருத்துவதுறையில் சிறந்து விளங்கிய டாக்டர் பிதான் சந்திரராய் நினைவாக ஆண்டு தோறும் ஜூலை 1ம் தேதி மருத்துவர் தினம் அனுசரிக்கப்படுகிறது.

இந்திய மருத்துவ சங்கம் நெல்லை கிளை மற்றும் வண்ணார்பேட்டை ரோஸ்மேரி மிஷன் மருத்துவமனை இணைந்து பள்ளி குழந்தைகளுக்கான ஓவியம் மற்றும் பேச்சு போட்டி, ரோஸ்மேரி மிஷன் மருத்துவமனையில் நேற்று நடந்தது. ரோஸ்மேரி மிஷன் மருத்துவமனை டாக்டர் தன்யா தலைமை வகித்தார்.

அகில இந்திய மருத்துவர் சங்க நெல்லை கிளை நிர்வாகிகள் டாக்டர் ஆதம் அலி, டாக்டர்கள் நிர்மலா, ராய் ஆகியோர் முன்னிலை வகித்தனர். ஓவியம் மற்றும் பேச்சு போட்டியில் ஏராளமான மாணவ, மாணவிகள் ஆர்வமுடன் பங்கேற்றனர். தொடர்ந்து வெற்றி பெற்றவர்களுக்கு பரிசுகள் வழங்கப்பட்டன.