ஜூலை 7 ம் தேதி நெல்லை மாவட்டத்திற்கு உள்ளூர் விடுமுறை அறிவிப்பு.

திருநெல்வேலி நகரம்  அருள்மிகு நெல்லையப்பர் அருள்தரும் காந்திமதி அம்பாள் திருக்கோயில் ஆனி பெருந்திருவிழாவினை முன்னிட்டு  வரும் ஜூலை 7 ம் தேதியன்று வெள்ளிக்கிழமையன்று திருநெல்வேலி மாவட்டத்திலுள்ள அனைத்து மாநில அரசு அலுவலகங்கள் மற்றும் அனைத்து கல்வி நிறுவனங்களுக்கு உள்ளூர் விடுமுறை நாளாக அறிவிக்கப்படுகிறது. இந்த விடுமுறைக்குப் பதிலாக ஜூலை 15 ம் தேதி சனிக்கிழமை அன்று அலுவலக வேலை நாளாகும் எனவும் அறிவிக்கப்படுகிறது. 

உள்ளூர் விடுமுறையன்று திருநெல்வேலி மாவட்டத்திலுள்ள மாவட்ட கருவூலங்கள் மற்றும் சார்நிலைக் கருவூலங்கள் அரசு காப்புகள் தொடர்பான அவசர பணிகளை கவனிப்பதற்கு குறைந்தபட்ச பணியாளர்களைக் கொண்டு செயல்படும் என திருநெல்வேலி மாவட்ட ஆட்சியர் சந்தீப் நந்தூரி தெரிவித்துள்ளார்.