நெல்லையப்பர் கோவிலில் சுவாமி அம்பாள் திருவீதி உலா

நெல்லையில் மிகவும் பிரசித்தி பெற்ற கோவிலான நெல்லையப்பர் கோவிலில் ஆனி பெருந்திருவிழா ஆண்டு தோறும் வெகு விமர்சையாக நடைபெறுவது வழக்கம். 

அதேபோல் இந்த வருடம் நெல்லையப்பர் கோவில் ஆனிப்பெருந்திருவிழா கடந்த 29 ம் தேதி கொடியேற்றத்துடன் தொடங்கியது. 1௦ நாட்கள் திருவிழா நடைபெறும். திருவிழா நாட்களில் தினமும் இன்னிசை நிகழ்சிகள் மற்றும் பக்தி சொற்பொழிவு நிகழ்சிகள் நடைபெற்று வருகிறது. 

அதேபோல் ஒவ்வொரு நாளும் சுவாமி அம்பாள் பல்வேறு வாகனங்களில் திருவீதி உலா வருவர். அதன்படி 5 ம் திருநாள் அன்று சுவாமி அம்பாள் இந்திர விமானத்தில் திருவீதி உலா வந்தனர். முன்னதாக சுவாமி அம்பாளுக்கு சிறப்பு அலங்கார தீபாராதனை நடைபெற்றது. இதில் ஏராளமான பக்தர்கள் கலந்து கொண்டு சுவாமி அம்பாள் தரிசனம் செய்தனர்.