நெல்லை மாவட்டம் வள்ளியூரில் அம்பேத்கர் போக்குவரத்து தொழிற்சங்க பெயர் பலகை திறப்பு விழா நடைபெற்றது. விடுதலை சிறுத்தைகள் கட்சியின் தலைவர் திருமாவளவன் கலந்து கொண்டு பெயர் பலகையை திறந்து வைத்தார்.
அப்போது அவர் நிருபர்களிடம் கூறியதாவது:- வருகிற 27-ந் தேதி தி.மு.க. சார்பில் நடைபெறும் மனித சங்கிலி போராட்டத்தில் விடுதலை சிறுத்தைகள் கட்சி பங்கேற்கும். அன்றைய தினம் கடலூரில் நடைபெறும் மனித சங்கிலி போராட்டத்தில் நான் கலந்து கொள்கிறேன். மக்களின் பிரச்சினைகளுக்காக எதிர்க்கட்சிகள் ஒருங்கிணைந்து போராட வேண்டும் என்ற அடிப்படையில் தி.மு.க.வின் அழைப்பை ஏற்று இந்த போராட்டத்தில் பங்கேற்கிறோம்.
மாஞ்சோலை தொழிலாளர்கள் பிரச்சினையில் இடதுசாரிகள் உள்பட அனைத்து கட்சியினரும் அஞ்சலி செலுத்தி வருகின்றனர். பாதிக்கப்பட்ட தொழிலாளர்கள் குடும்பத்தில் தகுதியுள்ள தலா ஒருவருக்கு அரசு வேலை வழங்கவேண்டும். தாமிரபரணி ஆற்றின் அருகே நினைவிடம் அமைக்க வேண்டும்.
No comments:
Post a Comment