காந்திதாமில் இருந்து நெல்லைக்கு சிறப்பு ரயிலை தெற்கு ரயில்வே அறிவிப்பு.

பயணிகளின் வசதிக்காகவும், கூட்ட நெரிசலை கட்டுப்படுத்தவும் காந்திதாமில் இருந்து நாகர்கோவில் வழியாக திருநெல்வேலிக்கு சிறப்பு ரயிலை தெற்கு ரயில்வே இயக்க திட்டமிட்டுள்ளது. அதன்படி, நேற்று முதல் வரும் 31ம் தேதி வரை உள்ள திங்கள்கிழமைகளில் காந்திதாமில் இருந்து மதியம் 1.30 மணிக்கு சிறப்பு ரயில் (09548) புறப்படும். மறுமார்க்கத்தில் இம்மாதம் 13ம் தேதி முதல் ஆகஸ்ட் மாதம் 3ம் தேதி வரையுள்ள வியாழக்கிழமைகளில் திருநெல்வேலியில் இருந்து காலை 7.45 மணிக்கு சிறப்பு ரயில் (09457) புறப்படும்.

இந்த ரயிலில் ஒரு இரண்டடுக்கு ஏசி பெட்டி, மூன்று மூன்றடுக்கு ஏசிபெட்டி, எட்டு படுக்கை வசதி கொண்ட பெட்டிகள் மற்றும் இரண்டு பொதுப்பெட்டிகள் இணைக்கப்பட்டிருக்கும். இந்த ரயில், வள்ளியூர்,  நாகர்கோவில் டவுண், திருவனந்தபுரம், கொல்லம், ஆலப்புழா, எர்ணாகுளம் சந்திப்பு, திருச்சூர், சோரனூர், திரூர், கோழிக்கோடு, கண்ணூர், காசர்கோடு, மங்களூர் சந்திப்பு ஆகிய ரயில் நிலையங்களின் நின்று செல்லும். இந்த ரயிலின் சேவை அறிவித்துள்ளதால் பயணிகள் மகிழ்ச்சிஅடைந்துள்ளனர்.