ரோட்டராக்ட் சங்கம் நிறுவும் விழா

சதக்கத்துல்லாஹ் அப்பா கல்லூரியில் ரோட்டராக்ட் சங்கம் நிறுவும் விழா

 பாளை. சதக்கத்துல்லாஹ் அப்பா கல்லூரியில் ரோட்டரி சங்கத்தின் ஆதரவின்பேரில் துவக்கப்பட்டுள்ள ரோட்டராக்ட் என்ற சங்கத்தை நிறுவும் விழா இன்று (27.09.2017) காலை நடைபெற்றது. கல்லூரி முதல்வர் முனைவர் மு. முஹம்மது சாதிக் அவர்கள் தலைமையேற்றுத் தலைமையுரையாற்றினார்.

 ரோட்டரி சங்கத்தின் தலைவர் எஸ். உலகுராஜ் அவர்கள் துவக்கவுரையாற்றினார். ரோட்டராக்ட் சங்கத்தின் தலைவராக இரண்டாமாண்டு கணிதவியல் துறை மாணவர் சூர்யாவும், செயலாளராக முதலாமாண்டு கணிதவியல் துறை மாணவர் ஜமாலுதீனும்;, துணைத் தலைவராக இரண்டாமாண்டு கணிதவியல் மாணவி பாத்திமா அப்ரினும், இணைச் செயலாளராக இரண்டாமாண்டு கணிதவியல் மாணவி அமீர் ஷீபா செரினும் பொருளாளராக முதலாமாண்டு கணிதவியல் மாணவர் மதனும் பொறுப்பேற்றனர். 

அரசுதவி பெறாப் பாடங்களின் இயக்குநர் ஏ. அப்துல் காதர் முன்னிலை வகித்தார். சிறப்பு விருந்தினராக மாவட்ட உதவி ஆளுநர் முகம்மது யூசுப் ராஜா அவர்கள் கலந்துகொண்டு சிறப்புரையாற்றினார். 

ரோட்டராக்ட் சங்கத்தின் ஆலோசகர் பேரா. எம். ஹிமாயா ஜலீலா பேகம் அவர்கள் வாழ்த்துரை வழங்கினார்.

 நிகழ்ச்சியின் இறுதியில் ரோட்டராக்ட் சங்கத்தின் சார்பில் மரக்கன்றுகள் நடும் விழா நடைபெற்றது.