ஷிபா மருந்தகம் லேப்ஸ் மற்றும் கிளினிக்-ன் 2 ம் ஆண்டு துவக்க விழா.

பாளையில் ஷிபா மருந்தகம் லேப்ஸ் மற்றும் கிளினிக்-ன் இரண்டாம் ஆண்டு துவக்க விழா நடைபெற்றது. விழாவில் கே.டிசி.நகர், வி.எம்.சத்திரம் மற்றும் மகாராஜ நகர் பகுதி வாடிக்கையாளர்கள் கலந்து கொண்டனர்.

துவக்க விழாவிற்கு ஷிபா மருத்துவமனை குழுமத்தின் நிர்வாக இயக்குனர் எம்.கே.எம்.முகம்மதுஷாபி தலைமை தாங்கி பேசியதாவது… இந்த ஷிபா மருந்தகம் கடந்த ஆண்டு செப்டம்பர் மாதம் துவங்கப்பட்டு வாடிக்கையாளர்களின் ஆதரவோடு சிறப்பாக நடைபெற்று வருகிறது. குறைந்த செலவில் தரமான மருத்துவ சேவை புரிந்து வரும் இந்த சென்டரில் வாடிக்கையாளர்களுக்கு ஷிபா ஹெல்த்கார்டு வழங்கப்படுகிறது. இந்த கார்டில் வாடிக்கையாளர்கள் செலுத்தும் தொகையிலிருந்து 20 சதவீதம் வரை சேமிக்கலாம். மருந்தகத்தில் வாங்கும் தொகையில் 10 சதவீதம் தள்ளுபடி மற்றும் ஒவ்வொரு 100 க்கும் 10 பாயிண்டுகள் வீதம் வாடிக்கையாளர்களின் ஹெல்த்கார்டில் புள்ளிகளாக சேர்க்கப்படும். 

மேலும் இந்த கார்டில் 10 சதவீதம் வரை வாடிக்கையாளர்களின் புள்ளிகளை இரத்த பரிசோதனை அல்லது உடல் பரிசோதனை தொகையில் கழித்து கொள்ளலாம். டோர் டெலிவரி வசதியும் செய்யப்படுகிறது. வாடிக்கையாளர்களின் நலன் கருதி இந்த சென்டர் காலை 7 மணி; முதல் இரவு 10.30 மணி வரை செயல்படுகிறது. 

தினமும் வெளி நோயாளிகள் பிரிவில் பொது மருத்துவம், எலும்பு மூட்டு அறுவை சிகிச்சை, பொது அறுவை சிகிச்சை, நரம்பியல் சிகிச்சை, காது மூக்கு தொண்டை அறுவை சிகிச்சை, புற்று நோய் மருத்துவம், மனநல மருத்துவம் ஆகிய துறைகளை சார்ந்த சிறப்பு மருத்துவ நிபுணர்கள் வருகை தருகின்றனர் என்று கூறினார். ஷிபா மருத்துவ குழுமத்தின் மருத்துவ இயக்குநர் முகம்மது அராபத் வாடிக்கையாளர்களுக்கு நன்றி கூறினார்.