குற்றாலம் அருவிகளில் வெள்ளப்பெருக்கு.

நெல்லை மாவட்டம் மேற்கு தொடர்ச்சி மலையில் கடந்த 2 நாட்களாக மழை பெய்து வருகிறது.இதுதவிர குற்றாலம், தென்காசி பகுதிகளிலும்  சனிக்கிழமையன்று  இரவு தொடங்கிய சாரல் மழை ஞாயிற்றுகிழமையன்று    பகல் முழுவதும் பெய்தது. சனிக்கிழமையன்று இரவு குற்றாலம் அருவிகளில் திடீரென்று   வெள்ளப்பெருக்கு   ஏற்பட்டது.   

இதனால் மெயின் அருவி, ஐந்தருவி, பழையகுற்றாலம் அருவிகளில் சுற்றுலா பயணிகள் குளிக்க போலீசார் தடை விதித்தனர்.ஞாயிற்றுகிழமையன்று காலையில் பழைய குற்றாலத்தில் வெள்ளம் குறைந்தது. அங்கு மட்டும் சுற்றுலா  பயணிகள் குளிக்க அனுமதிக்கப்பட்டனர். 

மெயின் அருவி, ஐந்தருவிகளில் தொடர்ந்து தடைநீடித்தது. காலையில்  இருந்தே ஞாயிற்றுகிழமையன்று  முழுவதும் லேசான மழை தூறிக்  கொண்டே இருந்தது.  தற்போது சீசன் இல்லாததால்   சுற்றுலா  பயணிகளின் வருகை குறைவாக உள்ளது. எந்தவித நெருக்கடியும் இல்லாமல் பழைய குற்றாலத்தில் சுற்றுலா பயணிகள் ஆனந்தமாக குளித்து மகிழ்ந்தனர்.