கண்தானம் வழங்கிய குடும்பத்திற்கு ஆட்சியர் பாராட்டு.

திருநெல்வேலி அகர்வால் கண்மருத்துவமனையில் நடைபெற்ற 32வது  தேசிய கண்தான இருவார விழாவில் கண்தானம் வழங்கிய குடும்பத்தினரை மாவட்ட ஆட்சியர் பாராட்டு தெரிவித்தார். 

திருநெல்வேலி அகர்வால் கண்மருத்துவமனை   கண் வங்கிக்கு   உதவும்  உறுப்பினர்களை  கௌரவித்தல் கண்தானம்   வழங்கியோருக்கு பாராட்டு உள்ளிட்டவை  நடைபெற்றது. 

இந்த விழாவை தொடங்கி வைத்து   மாவட்ட ஆட்சியர் சந்தீப்நந்தூரி பேசியதாவது… அகில இந்திய அளவில்   கண்தானம்  தேவைபடுவோரில் 30 சதவீதம் பேர் மட்டுமே   பயன்பெறும் நிலை உள்ளது. பதிவு செய்து  விட்டு காத்திருக்கும்  70சதவீதம் பேருக்கு கண்தானம் கிடைப்பதில்லை, எனவே இறந்த பிறகு   கண்தானம் செய்வதை அதிகரிக்க செய்ய  வேண்டும். ஒருவர் அளிக்கும்   கண்களால்; குறைந்தது   4பேர் தானம் அளித்து  கண்பார்வை கிடைக்க   இயலும். இதற்கு குடும்ப உறுப்பினர்கள்  உறுதுணையாக இருக்க வேண்டும்.  இந்த வகையில் அகர்வால் கண்மருத்துவமனை     கண்வங்கிக்கு உதவும்  இயக்கங்களின்  பங்களிப்பு  பாராட்டுக்குரியது.

இந்த விழாவில் 1000 பேர்  கண்தானம் வழங்கும்  படிவங்களை சமர்ப்பித்திருப்பது  போற்றுதலுக்குரியதாகும் என்றார்.  தொடர்ந்து   கண்தானம் வழங்கிய குடும்பத்தினற்கு   சான்றிதழ்கள் வழங்கி பாராட்டு தெரிவித்தார். தென்மண்டல மருத்துவ இயக்குனர் டாக்டர் லயனல்ராஜ் பேசினார்.  இந்த விழாவில் கண்தான   இயக்க  நிர்வாகிகள், மருத்துவர்கள்,  செவிலியர்கள், தன்னார்வ   அமைப்பினர்  கலந்து   கொண்டனர்.