ஜூலை 10ல் பிஎப் குறை தீர்க்கும் கூட்டம்.

நெல்லையில் ஜூலை 10ல் பிஎப் குறை தீர்க்கும் கூட்டம்.

இது குறித்து உதவி வருங்கால வைப்புநிதி ஆணையர் ரமேஷ் கூறியிருப்பதாவது:

நெல்லை தொழிலாளர் வருங்கால வைப்புநிதி அலுவலகத்தில் அதன் மண்டல ஆணையாளர் சனத்குமார்  வருங்கால வைப்புநிதி குறைதீர்க்கும் கூட்டத்தை ஜூலை 10ம் தேதி நடத்துகிறார்.

நெல்லை, தூத்துக்குடி மாவட்டத்தை சேர்ந்த வருங்கால வைப்பு நிதி உறுப்பினர்கள் மற்றும் தொழிலதிபர்களின் குறைகள் ஏதேனும் தீர்க்கப்படாமல் ஒருமாத காலத்திற்கும் மேலாக நிலுவையில் இருந்தால் அவற்றை நிவர்த்தி செய்ய மனு மூலம் “மண்டல ஆணையாளர், வருங்கால வைப்பு நிதி நிறுவனம், என்ஜிஓ ’பி’ காலனி, திருநெல்வேலி-7” என்ற முகவரிக்கு அனுப்பி வைக்கலாம். மனுவின் மேலே “வருங்கால வைப்பு நிதி உங்கள் அருகில்” என குறிப்பிட்டு அவற்றை ஜூன் 30ம் தேதிக்குள் கிடைக்குமாறு அனுப்ப வேண்டும்.

“வருங்கால வைப்பு நிதி உங்கள் அருகில்” கூட்டம் “வருங்கால வைப்பு நிதி உறுப்பினர்களுக்கு காலை 10:30 மணி முதல் 1 மணி வரையும், தொழிலதிபர்களுக்கு பிற்பகல் 3 மணி முதல் 4 மணி வரையும், வருங்கால வைப்பு நிதி விலக்கு அளிக்கப்பட்ட நிறுவனங்களுக்கு மாலை 4 மணி முதல் 5 மணி வரையும் நடத்தப்படும்.

மனு அனுப்பியவர்கள் 10ம் தேதி கால அட்டவணைப்படி மண்டல ஆணையாளரை நேரில் சந்தித்து குறைகளை நிவர்த்தி செய்து கொள்ளலாம் என அவர் தெரிவித்துள்ளார்.