சங்கர் மேல்நிலைப்பள்ளி தமிழாசிரியருக்கு கவிதைச் செல்வர் விருது.

சங்கர்நகர் சங்கர் மேல்நிலைப்பள்ளி தமிழாசிரியர் கவிஞர் கோ. கணபதி சுப்பிரமணியனுக்கு காஞ்சி காமகோடி பீடம் சங்கர மடத்தில் கவிதைச் செல்வர் விருது வழங்கப்பட்டது.

மஹா சுவாமிகள் அதிஸ்டானம் , குருவார வழிபாட்டு மன்றம் கவிதை உறவு இணைந்து காஞ்சி ஸ்ரீ சங்கர மடத்தில் கவிதைக்கு மரியாதை என்ற நிகழ்ச்சியில் தமிழகத்தில் சிறந்த 7 கவிஞர்களுக்கு கவிதைச் செல்வர் விருது வழங்கப்பட்டது.

கவிதைச் செல்வர் விருதினை ஜகத்குரு ஸ்ரீ சங்கர விஜயேந்திர சரஸ்வதி சுவாமிகள் தமிழாசிரியர் கவிஞர் கோ. கணபதி சுப்பிரமணியனுக்கு வழங்கி பொன்னாடை போர்த்தி கெளரவித்தார்கள். விழாவில் கவிதை உறவு நிறுவனர் கலைமாமணி கவிஞர் ஏர்வாடி. எஸ். ராதாகிருஷ்ணன், குருவார வழிப்பாட்டு மன்ற அமைப்பாளர் புலவர் வை. இராஜேந்திரன், பேராசிரியர் மோகன் மற்றும் பலர் கலந்து கொண்டனர்.

விருது பெற்ற தமிழாசிரியரை பள்ளி கல்விக்குழுத் தலைவர் மற்றும் இந்தியா சிமெண்ட்ஸ் ஆலை இணைத்தலைவர் எஸ். சண்முகம், பொது மேலாளர் (மனிதவளம்) இரா. ஏகாம்பரம், பள்ளி தலைமை ஆசிரியர் உ. கணேசன்,உதவி தலைமை ஆசிரியர் ஆ. ரெங்கநாதன் மற்றும் ஆசிரியப் பெருமக்கள், மாணவ- மாணவியர் பாராட்டினர்.