சதக்கத்துல்லாஹ் அப்பா கல்லூரியில் சிறப்பு மருத்துவ முகாம்

                பாளை சதக்கத்துல்லாஹ் அப்பா கல்லூரியின் நாட்டு நலப்பணித் திட்டமும் டாக்டர் அகர்வால் கண் மருத்துவமனையும் இணைந்து ஆசிரியர்கள் மற்றும் ஆசிரியரல்லாத அலுவலர்களுக்கான ஒரு நாள் சிறப்பு மருத்துவ முகாம் (04.10.2017) கல்லூரியின் கலையரங்கில் நடைபெற்றது. கல்லூரியின் முதல்வர் முனைவர் மு. முஹம்மது சாதிக் அவர்கள் முகாமைத் துவக்கி வைத்தார். 

                சிறப்பு விருந்தினர்களாக செலின் மருத்துவமனை இயக்குநர் மருத்துவர் காசியம்மாள் துரைராஜ், மாக்னம் டென்டல் இயக்குநர் மருத்துவர் அனிதா சதிஷ், டாக்டர் அகர்வால் கண் மருத்துவமனை மேலாளர் திரு என். பிரபு, மாக்னம் டென்டல் நிர்வாக இயக்குநர் பொறியாளர் எம். சதிஷ் செல்வகுமார் மற்றும் துளசி மருந்தகத்தைச் சார்ந்த திரு. ஆழ்வார் ஆகியோர் கலந்துகொண்டனர். 

இம்முகாமில் கண், பல், இரத்த அழுத்தம், சர்க்கரை நோய் உட்பட பல்வேறு நோய்களுக்கான பரிசோதனைகள் நடைபெற்றது. முகாமில் கல்லூரி அரசுதவிபெறாப் பாடப்பிரிவு இயக்குநர் முனைவர் ஏ. அப்துல் காதர் அவர்கள் உட்பட நூற்றுக்கான பேராசிரியர்கள் மற்றும் அலுவலர்கள் கலந்துகொண்டு பயன்பெற்றனர். 

             நிகழ்ச்சியின் ஏற்பாடுகளை கல்லூரியின் நாட்டு நலப்பணித் திட்ட அலுவர்கள்  பேரா. அப்துல் காதர் முஹைதீன், பேரா. சாகுல் ஹமீது, பேரா. ஜெஸ்லின் கனக இன்பா, பேராசிரியை ஜே. ஜெமி மெர்லின் ராணி, பேரா. பிரேமலதா, பேரா. முகம்மது யஹ்யா ஆகியோர் செய்திருந்தனர். 

செய்தி மற்றும் படம் 

திரு. சரவணவேல்.