நெல்லையில் கந்துவட்டி குறித்த விழிப்புணர்வு துண்டுபிரசுரங்கள் சட்ட உதவி மைய நீதிபதி வழங்கினார்

நெல்லையில் கந்துவட்டி கந்து வட்டி கொடுமையால் நெல்லை மாவட்ட ஆட்சியர் அலுவலகத்தில் ஒரே குடும்பத்தை சார்ந்த 4பேர் கடந்த சில மாதங்களுக்கு முன் தீக்குளித்து தற்கொலை செய்து கொண்டனர். இந்த சம்பவம் தமிழகம் முழுவதும் பெரும் அதிர்வலையை ஏற்படுத்தியது.

 மாவட்ட நிர்வாகமும், மாவட்ட காவல் துறையும் கந்து வட்டி வசூலிப்பவர்கள் மீது கடும் நடவடிக்கை எடுத்து வருகிறது. மாவட்ட முதன்மை நீதிபதி ராஜசேகர் கந்து வட்டி குறித்த விழிப்புணர்வு பிரச்சார பயணத்தை தொடங்கி வைத்தார். 

தொடர்ச்சியாக நேற்று நெல்லை மாவட்ட ஆட்சியர் அலுவலகத்தில் மக்கள் குறைதீர்க்கும் நாள் கூட்டத்திற்கு மனு அளிக்க வந்த பொதுமக்களுக்கு சட்ட உதவி மைய  நீதிபதி ராமலிங்கம் கந்துவட்டி குறித்த விழிப்புணர்வு துண்டுபிரசுரங்கள் வழங்கினார். 

இது குறித்து அந்த துண்டு பிரசுத்தில் தெரிவித்திருப்பதாவது: அரசு நிர்ணயிக்கும் வங்கி வட்டி விகிதத்தை மீறி வசூலிக்கப்படும் தினவட்டி, மணிநேர வட்டி, கந்துவட்டி, மீட்டர் வட்டி, மற்றும் தண்டல் போன்றவை கந்துவட்டியாகும், ஒரு கடனாளி அதிக வட்டி கொடு;க்க வற்புறுத்தப்படுவாரேயானால், சட்டபடி செலுத்த வேண்டிய கடன் தொகையினை முழுவதுமாகவோ அல்லது பகுதியாகவோ நீதிமன்றத்தில் செலுத்தி நிவாரணம் பெற உரிமை உண்டு. நீதி மன்ற கட்டணம் ரூ100மட்டுமே ஆகும். கடனாளியின் சொத்து பறிக்கப்பட்டிருந்தால் நீதிமன்றம் அவற்றை மீட்க உத்திரவிடும். செலுத்த வேண்டிய சரியான கடன் தொகையினை நீதிமன்றம் நிர்ணயிக்கும். கடனை வசூலிக்க கடனாளியை துன்புறுத்தினால் அல்லது துன்புறுத்த தூண்டினால் மற்றும் உடந்தையாக இருந்தால் அவர்களுக்கு 3ஆண்டு சிறை தண்டனையும், 30ஆயிரம் வரையிலான அபராதமும் விதிக்கப்படும். பாதிக்கப்பட்ட கடனாளிகள் காவல் நிலையத்தில், அல்லது காவல் உயர் அதிகாரிகளிடம், மற்றும் குற்றவியல் நீதிதுறை நடுவர் நீதிமன்றத்தில் புகார் தெரிவித்து உரிய நிவாரணம் பெற்று கொள்ளலாம் என தெரிவித்துள்ளது.

செய்தி மற்றும் படம்.

திரு.முத்து.